Hæ! Ég heiti Frikki og ég er Draumamaðurinn™ þinn!
Á þessari síðu er hægt að sjá upp á hvað ég hef að bjóða í tilvonandi ástarsambandi okkar. Ég og þú, látum þetta gerast!
Tölvunarfræðingur
Ég er tölvunarfræðingur. Ég lofa sameiginlegum bankareikningum.
Dýravinur
Ég elska dýr...og þau elska mig! Dagur í húsdýragarðinum er nálægt því að kallast fullkominn.
Góður skeggvöxtur
Það geta flestir verið sammála um það að fátt er kynþokkafyllra en mikið og þykkt skegg.
Ég mun láta þig hlæja
Viltu eiga langt líf? Þá er einfaldast að verða þér úti um eitt stykki ástarsamband með mér því hlátur er mín helsta útflutningsafurð
Handlaginn
Hengja upp mynd? Ekkert mál. Henda upp einum Billy bókaskáp? Léttasta sem ég hef gert. Stjórna gröfu í Fjölskyldugarðinum? Gerði það með lokuð augun og heynartól. Ekkert verkefni sem snýr að viðhaldi heimilis er of erfitt fyrir mig.
Rómantíkin er uppáhalds tíkin mín. Og þú gætir átt hana með mér!
Það er sama hversu vel þú reimar skóna þína. Ég mun heilla þig upp úr þeim...og það á mettíma. Líkar þér við langar gönguferðir við ströndina, blómvendi sem bíða þín þegar þú vaknar eða rómantískan kvöldverð sem ég elda sjálfur. Þetta er eitthvað sem ég kalla mánudag fyrir mína heittelskuðu.
Ég spila á hljóðfæri og syng líka eins og engill.
Hérna getið þið heyrt fyrstu smáskífuna mína:
Fágun og séntilmennska eru mannkostir í forgrunni
Ég veit fátt betra en að ljúka löngum degi með einu glasi af 1787 Chateau Lafite eða öðru álíka góðu rauðvíni (álíka á reyndar ekki við því það jafnast ekkert á við 1787 Chateau Lafite!?)
Fyrirsæta fyrir eina æðstu menntastofnun landsins
Þú hefur eflaust séð mig á fjölmörgum strætóskýlum sem andlit tölvunarfræðideildar Háskólans í Reykjavík. Menn geta svo túlkað það eins og þeir vilja að aðsóknin í deildina hefur margfaldast þau ár sem ég hef verið andlit hennar. Brottfall hefur svo verið töluvert um það leyti sem fólk kemst að því að ég er útskrifaður.
Ég set mig auðveldlega í spor annarra
Ég t.d. væri svo sannarlega til í ganga með tilvonandi barn okkar en það eina sem ég get gert er að klæðast bol með því
